Meditimi mendohet të ketë efekte pozitive për disa probleme që lidhen me stresinTë ulesh këmbëkryq, me sytë e myllur, me grushtat e vendosur me delikatesë mbi gjunjë dhe të ushqehesh në heshtje duke u zhytur në thellësi të vetes: një ritual i çditshëm kjo eksperiencë, të cilën disa e quajnë çmenduri, ndërsa të tjerë, budizëm. Meditimi ka efekte të shumta kundër një numri të madh problemesh të krijuara nga jeta e përditshme.
Nëse ndikimi i meditimit në uljen e rreziqeve kardiovaskulare, luftën kundër vetmisë dhe rritjen e vëmendjes nuk kanë nevojë për t’u vërtetuar, ja një efekt i ri që mund të ndryshojë jetën e shumë njerëzve. Nga një studim i kryer nga një grup shkencëtarësh të Universitetit të Vvinkonsin-Madison-it, rezulton se teknikat e meditimit me ndërgjegje të plotë (të përqendruar në kontrollin e frymëmarrjes, përqendrimit dhe sensacioneve trupore) mund edhe të ndihmojnë personat që vuajnë nga sëmundjet inflamatore kronike, tek të cilat stresi psikologjik vepron si katalizator.
Menaxhimi i stresit
Reumatizmat, sëmundjet inflamatore dhe astma, pra mund të qetësohen nëpërmjet një menaxhimi më të mirë të stresit, nëpërmjet neditimit me ndërgjegje të plotë. Sipas një studimi të kohëve të fundit, rezulton se kanalizimi i tensionit duke praktikuar rregullisht aktivitetin e relaksimit mendor si meditimi, ka një efekt të vërtetë kurues.
Për këtë ka dy metoda për reduktimin e stresit. E para, e bazuar në meditimin me ndërgjegje të plotë dhe e dyta, duke ndërthurur aktivitetin fizik, edukatën ushqimore dhe muzikoterapinë. Janë dy programe për të cilat kërkohet e njëjta sasi formimi, i njëjti nivel ekspertize dhe e njëjta praktik në shtëpi pas formimit.
Shkencëtarët gjithashtu u provokuan një inflamacion të lëkurës (nëpërmjet një pomade me kapsaicinë) dhe një stres psikologjik pjesëmarrësve, reagimin e sistemit imunitar dhe endoktrinal të të cilëve e studiuan më vonë.
Të dy metodat rezultuan pozitive, por programi i bazuar në meditim rezultoi më i efektshëm për uljen e stresit të shkaktuar nga inflamacioni i lëkurës. Sipsa stuediuesve, “meditimi nuk është kura e gjithçkaje, por rezultatet tregojnë se disa pacientë mund të jenë të interesuar për të mos përdorur sistematikisht kurat farmakologjike. Meditimi është një alternativë më pak e kushtueshme dhe të paktën një plotësues i kurimit të zakonshëm. Dhe, për më tepër, meditimi mund të aplikohet me lehtësi nga pacientët në shtëpi apo në zyrë.
Me këtë shpjegohet fakti pse ushtria amerikane, me një përqindje rekord vetëvrasjesh ndër mijëra ish ushtarët amerikanë, ka vendosur të shqyrtojë mundësinë e përdorimit të teknikës së meditimit për të ndihmuar ushtarët, në mënyrë që ata të luftojnë më mirë stresin dhe të ulin tensionin e ushtarëve që kanë përjetuar periudhën e vështirë të mëse 10 vjet luftimesh në Irak.