Prova e re kundër ngrohjes globale



Temperaturat e planetit kanë qëndruar pothuajse të njëjta në dy dekadat e fundit, tregoi një studim i ri mbi ndryshimin e kushteve metereologjike.

Niveli i përgjithshëm i temperaturave në të gjithë globin pësoi një rritje prej vetëm 0,3 gradësh në mesatare në periudhën 1990-2010, shumë më e ulët krahasuar me rritjen prej 1,4 gradësh që u përjetua midis viteve 1961-90.

Studimi tregoi se në zonat që janë nxehur më shumë të planetit, temperatura është rritur me pak më shumë se gjysmë gradi, ndërsa në zonat me rritjen më të ulët ajo ka qenë prej 0,29 gradi.

Përfundime të tilla tregojnë qartë se pavarësisht teorive për kërcënimin e planetit nga ngrohja globale, pjesë e efektit serë të krijuar prej aktivitetit industrial njerëzor, në fakt nuk është një kërcënim i menjëhershëm dhe mund të mos jetë aspak kërcënim, duke llogaritur se planeti njeh cikle të natyrshëm ngrohje dhe ftohje prej pak gradësh ndër dekada. /Top-Channel/