Pse troll-et mbahen si krijesa të frikshme ?

Trolle quhen krijesat e frikshme të mitologjisë Skandinave, të cilat shpesh herë karakterizohen si njeringrënëse. Thonë se dielli ka aftësinë t’i gurëzojë, ndaj dhe ato shfaqen veç natën.

Trollet janë qenie të shëmtuara dy gjinore. Sipas burimeve të vjetra Skandinave trollet jetonin të izoluara mes maleve, shkëmbinjve dhe shpellave. Gjithashtu, thuhet se Vikingët dhe Trollet ishin në konflikte të vazhdueshme.

Femrat Trolle kanë fuqinë të shndërrohen në vajza të bukura, megjithatë, transformimi i tyre nuk zgjat shumë kohë. Në shumë histori përshkruhen si shumë të fuqishme, por budallaqe. Gjithashtu, bëjnë fjalë se nëse qëlloni në një krijesë të tillë do t’ju ofrojnë një pije për të pirë, mirë është të pranoni, pasi telashet që do t’ju krijojnë në rast se refuzoni, do të jenë të paimagjinueshme. Sipas legjendës, pija nuk është gjë tjetër veçse një lëng me veti harruese, pra pas konsumit të saj nuk mbani mend asgjë.

Në Skandinavi ka shumë vende që kanë emërtime të lidhura me Trollet, si për shembull një qytet Suedez, Trollhattan. Zoti Skandinav, Thor luftoi shumë Trolle, të cilat pasi i mundi i hodhi në Botën e Poshtme.