Prifti nis prezantimin e... pornografisë homoseksuale Një prift nga fshati Pomeroy në Irlandën e Veriut teksa u shpjegonte një grupi të prindërve rreth kungatës së shenjtë, ka hapur aksidentalisht një dosje në kompjuter përplot pornografi homoseksuale.
BBC njofton se në takimin me prindërit, ku ishte edhe një fëmijë tetëvjeçar, ati Martin McVeigh ishte dashur të prezantojë një ritual fetar.
Ai e ka futur një USB në kompjuter dhe kur e ka hapur dosjen, në një ekran të madh pas tij janë projektuar imazhe me përmbajtje eksplicite.
Sipas fjalëve të një prindi, prifti ka qenë dukshëm i tronditur dhe i befasuar, saqë e ka nxjerrë shumë shpejt flesh memorien nga kompjuteri dhe ka dalë jashtë.
“Nuk na shpjegoi asgjë, e as nuk kërkoi falje, vetëm doli nga dhoma”, ka treguar një prind.
McVeigh është kthyer pas 20 minutash, por nuk ka thënë asnjë fjalë rreth incidentit. Ai thjeshtë ka vazhduar me ligjëratën e tij.