A eshte e mundur te fluturohet deri ne sistemet jo-diellore planetare me shpejtesi me te madhe se sa ajo e drites? Po, eshte plotesisht e mundur, konfirmon Harold White. Me ekipin e tij ne NASA ai po zhvillon aktualisht motorin superluminal (super-drite), te destinuar per realizimin e udhetimeve nderyjore, informon zeri i rusise.

Deri ne sistemin e Alpha Centauri, qe ndodhet 4 vite drite nga Dielli, anija kozmike me nje motor te tille do te fluturonte gjithsej per 2 jave.
Hulumtimet e Harold White jane nje perpjekje e guximshme per persosjen e konceptit te fizikanit meksikan Miguel Alcubierre, qe ka shkaktuar ne vitin 1994 nje debat mjaft te gjalle ne boten shkencore. Shkencetari sugjeroi, sic i thone fjales, te kompresohet (te ngjeshet) hapesira para anijes kozmike, kurse ne pjesen e pasme te saj te dekompresohet. Anija do te vendoset ne kete menyre ne nje "flluske" hapesire te lakuar (te shtremberuar) dhe do te mbetet ne gjendje statike, ne menyre qe njerezit, te cilet ndodhen ne bordin e saj, te mos ndjejne mbingarkesa trysnie. Perreth rend, zhvendoset me shpejtesi vete hapesira dhe per llogari te kesaj kryhet levizja. Dhe mund te kompresohet dhe dekompresohet hapesira me nje shpejtesi me te madhe se shpejtesia e drites.

Per krijimin e "flluskes" nevojitet nje substance misterioze - masa negative, e cila gjate shperberjes totale do te cliroje energjine e "erret" te nevojshme. Ne llogaritjet e mbeshtetesve te teorise se Miguel Alcubierre ofrohen madhesi te ndryshme te saj - ekuivalenti i tri masave diellore, masa e Jupiterit e keshtu me radhe. Harold White ne llogaritjet e veta e ka reduktuar ate akoma dhe me shume, duke e sjelle deri ne 700 kg. Me kusht qe "flluska" te mos kete formen e sferes, por te nje torus-i (figures ne forme te gjevrekut), (angl. doughnut shape). Ai thote se rezultatet e punes hulumtuese jane mjaft inkurajuese. Ekipi i tij me ane te perdorimit te rrezeve lazer po konstrukton nje model ne miniature te motorit te Alcubierre, ku hapesira te jete e shtremberuar, edhe pse ne nje madhesi jashtezakonisht te vogel tani per tani - 1/10.000.000.

Shefi i Departamentit te Institutit te Fizikes me emer te “Lebediev” te Akademise se Shkencave te Rusise, Oleg Dalkarov, beson se financimi i ketyre ideve eshte i leverdisshem vetem per autoret e tyre dhe se, ne te vertete, keto jane para te hedhura ne ere:
- Dikastere e agjenci te ndryshme, nder te tjera edhe tek ne ne vend, japin fonde per hulumtime e pune shkencore te kesaj natyre per disa arsye. Nje prej tyre konsiston ne faktin se, me sa duket, grupi i punes, i cili u zgjodh ne kete rast, nuk eshte aq sa duhet kompetent. Arsyeja e dyte, ndonjehere kjo i leverdis disa korporatave per te perfituar financime. Do te kaloje njefare kohe, ajo periudhe per te cilen eshte dhene kredia, dhe grupi i punes do te shperbehet. Ndersa me tej nuk do t’i kthehen me kurre realizimit te kesaj ideje.

E megjithate, a ka valle ndonje shprese qe nje anije e tille te ndertohet ne te ardhmen? Pike se pari duhet gjetur menyra e “zbutjes” se mases negative - me te lidhin zhvendosjen e galaktikave dhe zgjerimin e Universit. Ndersa tani per tani fizikanet jane te gatshem per te diskutuar vetem modelin matematik dhe eksperimentet laboratorike.