Politikani rus: S’ishte meteor, SHBA testoi një armë



Një politikan rus pretendon se meteori që goditi dje Rusinë, në fakt ishte një test armësh nga Amerika.

Autoritetet thonë se meteori goditi atmosferën e Tokës me një fuqi të barabartë me 30 bomba atomike si ajo që shkatërroi Hiroshimën.

Më shumë se 1200 njerëz u plagosën dhe 4 mijë godinave iu thyen xhamat.

Por politikani Vladimir Zhirinovsky, tha se ajo që ndodhi ishte një akt provokacioni nga Shtetet e Bashkuara të Amerikës.

Zhirinovsky, lider i Partisë Liberal Demokrate, të ekstremit të djathtë, tha: “Këto nuk janë meteoritë duke rënë, por janë amerikanët duke provuar një armë të re”.

Nuk është hera e parë që ai bën deklarata të çuditshme. Kështu në vitin 2006 ai tha se duhet të armatosen të gjithë rusët, për të vrarë zogjtë migratorë, në mënyrë që të luftohet gripi i shpendëve.