Zbulohet Kur'ani më i vogël në Shqipëri, që daton para ndikimit të Perandorisë Osmane në ballkan, nga viti 1217


Një Kur'an që i përket viteve 1217 është gjetur në rrënojat e një ndërtese të vjetër në Krrabë të Tiranës, transmetojnë mediet në Tiranë. Ajo çfarë e bën më interesant këtë zbulim është fakti se Kur'ani është i përmasave shumë të vogla dhe është i pari i këtij lloji i gjetur në vendin tonë. Kur'ani është në një gjendje fizike të mirë dhe madje është ende funksional megjithëse daton që nga viti 1217. Kur'ani është i vendosur në një kuti prej llamarine në mesin e së cilës ka një lupë, që shërben për zmadhimin e shkronjave për t’i lexuar. Përmasat shumë të vogla të Kuranit që ka një gjatësi 2. 5 cm, gjerësi 2 cm dhe një trashësi 09 mm, bëjnë që ky Kur'an të jetë më i vogli i gjetur ndonjëherë në vendin tonë.